Tenda

Por Cada Uno de nosotros, por los que son y los que se fueron, hay una estrella en el cielo.

É así que as estrelas contan todas as historias do mundo. Son as nosas lendas escritas con minio nas láminas da noite. Nese libro fálase dun camiño das estrelas que leva a Galicia. Tal como foi soñada, Galicia sería un fecundo leito de pedra onde abrazase cada un a súa estrela, onde se entrelazase vida e desexo. Esta música nace dese camiño e dese encontro. O indómito vento, o vento gaiteiro, que asubiar pola garganta da alma. As voces cantareiras dunha radiofonía milenaria. A nostalxia do futuro. O antigo mito que latexa con corazón de neno. A alborada que desafía á morte e a balada que o dorme. A harmonía dos contrarios. A flor secreta de todos os cantares. A estirpe que nunca traizoa. A taberna máxica de todos os portos. A percusión da choiva no vidro da soidade. A partitura do mar que lambe as feridas máis duras. Que todo está aquí convocado por Carlos Núñez nesta irmandade de estrelas. Tal como foi soñada, Galicia é aquí América, mar celta de Irlanda, cálido sur de guitarra xitana… Galicia é Galicia cando é todos os mundos. Un fogar onde os soños fanse música para non morrer de frío.

Manuel Rivas

• Amanecer
• A irmandade das estrelas
• Nubes del otro lado
• Negra sombra
• Os gaiteiros da noite
• Cantigueiras
• Villancico para la navidad de 1829
• Bailando con Rosiña
• Lela
• The flight of the earls
• Canto de afiador
• Para Vigo me voy